پڕۆژەیاساکە لەسەر داوای پارتی کرێکارانی کوردستان (پەكەكە) پێشکەش کراوە و لەلایەن یەکێتی و بەشێک لە ئەندامانی میلیشیاکانی له ئەنجوومەنی نوێنەرانەوە پاڵپشتی دەکرێت، ئامانجی ، جیاكردنەوەی بەشێكی گەورەی كوردە لە نەتەوەكەی خۆیان و هەمان ئەو پیلانەیە كە ساڵانێكی زۆر لە ڕێگەی تەعریبەوە كاری لەسەر كراوە.
عومەر، ڕۆژنامەنووس لە تۆڕی كۆمەڵایەتیی (فەیسبووك) بڵاوی كردەوە : پارتی كرێكارانی كوردستان (پەكەكە) ڕۆڵێکی خراپی هەیە لە هاندانی کوردانی ئێزیدی بۆ ئەوەی بڵێن ئێمە کورد نین.
ڕوونیشیکردەوە، دوای ڕزگارکردنی شنگال لەدەستی داعش ، پارتی كرێكارانی كوردستان (پەكەكە) بەچڕی دەستی بەو کارە کرد. دەشڵێت: سەرنج بدەن هیچ کام لەم ناوەندە ڕۆشنبیری و هونەری و ئیداری و سیاسی و سەربازیانەی کە لە ناوچەکەدا دروستیان کردووە هەڵگری وشەی کوردستان نین.
هەمان سەرچاوە :دابڕینى ئێزدی لە کورد رەنگە لە کورتماوەدا بۆ دژایەتىکردنى پارتى سوودێکى کەمى هەبێت، بەڵام لە دوورماوەدا زیانى گەورەی نەتەوەیی هەیە.“
ئەو سەرچاوەیە زیادی کرد: حاڵەتێکی دەگمەن و سەرسوڕهێنەرە کە بزووتنەوەیەکی سیاسی نەتەوەیەک بە ئاشکرا هانی بەشێک لە گەلەکەی بدات بۆ جیابوونەوە لێی.