ئامادەکردنی لیستی مووچە پێش دەخرێ
ئه‌نجومه‌نی وه‌زیرانی هه‌رێم لە کۆبوونەوەی ئەمڕۆ بڕیاری دا پێویستە وەزارەتەکان لە 10 رۆژی سەرەتای هەر مانگێکدا لیستی مووچە ئامادە بکەن تا رەوانەی بەغدا بکرێت
له كۆبوونه‌وه‌ی ئه‌مڕۆی ئه‌نجومه‌نی وه‌زیرانی هه‌رێم بڕیاردرا کە پێویستە وەزارەتەکان بەردەوام بن لە ناردنی لیستی مووچە و تەرازووی پێداچونەوەی مانگانە لە 10 رۆژی یەکەمی هەموو مانگێک، تا هیچ بیانوویەک نەمێنێت کە ببێتە هۆی دواخستنی مووچەی مانگانەی مووچەخۆران.
ئه‌نجومه‌نی وه‌زیرانی هه‌رێم لەبارەی بابەتی مووچەی مانگی شەشی مووچەخۆرانی هەرێم و مووچەی مانگی پێنج و شەشی پێشمەرگە و ئاسایش و دوا پێشهاتی وردبینی و پێداچوونەوەی لیستی مووچەی هێزەکانی پێشمەرگە لەلایەن تیمی هاوبەشی هەردوو دیوانی چاودێری دارایی هەرێم و حکومەتی فیدراڵ گفتوگۆی كرد.
پێشتر لیستی مووچە تا 20 هەر مانگێک کاتی پێویست بوو بۆ ئامادەکردنی، بەڵام بەو بڕیارە کاتەکەی پێش دەخرێت، تا لەگەڵ وەزارەتەکانی عێراق دابەش بکرێت.