بەڕێوەبەرایەتی فڕۆکەخانەی نێودەوڵەتیی هەولێر ئاگاداری نامەیەکی بڵاوکردووەتەوە و ڕایگەیاندووە کە ئەمڕۆ چوارشەممە 3ی تەممووزی 2024، بۆ ماوەی سێ کاتژمێر گەشتەکانی فڕۆکەخانە ڕادەگیرێن.
لە ڕاگەیەندراوەکەدا هاتووە، ئاگاداری گه‌شتیارانی فڕۆكه‌خانه‌ی نێوده‌وڵه‌تیی هه‌ولێر ده‌كه‌ینه‌وه، گه‌شته‌كانی فڕۆكه‌خانه‌ی به‌هۆی مه‌شقێكی فریاگوزاری له نێو فڕۆكه‌خانە بۆ سێ کاتژمێر ڕادەگیرێن.
هەروەها هاوڵاتییان دڵنیا ده‌كاته‌وه كه هه‌بوونی ژمارەیەکی زۆر له ئه‌مبوڵانس و ئۆتۆمبێلی به‌رگری شارستانی و تیمه‌كانی پۆلیس و ئاسایش له ده‌وری فڕۆكه‌خانه په‌یوه‌سته به مه‌شقه‌كه‌وه، هەربۆیە هیچ شتێک نییە ببێتە جێگەی نیگەرانی.