محەمەد جەواد زەریف، جێگری مەسعود پزیشكیان سەركۆماری ئێران بۆ كاروباری ستراتیژی دەستی لە كار كێشایەوە.
ئەمڕۆ یەكشەممە 11/8/2024، میدیاكانی ئێران بڵاویان كردەوە، محەمەد جەواد زەریف لەنامەی دەستلەكاركێشانەوەكەدا، هیوای سەركەوتنی بۆ سەركۆمار و تیمی حكوومەت خواستووە كە ناوەكانی پێشكەشی پەرلەمان كردووە.
هاوكات جێگری سەركۆماری ئێران، ئاماژەی بەوە كردووە، لە زانكۆ كار دەكات و داوای لێبوردن لە گەلی ئێران دەكات، بەوەی نەیتوانیوە بەدواداچوون بۆ كاروباری سیاسەتی ناوخۆ بكات.
ئەوە لەكاتێكدایە، وەك لە میدیاكانی ئێرانەوە باس دەكرێت، محەمەد جەواد زەریف، هۆكاری سەرەكیی دەرچوونی مەسعود پزیشكیان بووە لە هەڵبژاردنی سەرۆكایەتیی كۆماری ئێران.
ماوەی دوو هەفتەیە، پزیشكیان، محەمەد جەواد زەریف وەك جێگری خۆی بۆ كاروباری ستراتیژی دیار كردووە.