وەزارەتەکانی حکومەتی هەرێمی کوردستان لیستی مووچەی مانگی هەشتی بە لێبڕینی خانەنشینی %10ـەوە گەڕاندووەتەوە وەزارەتی دارایی و ئابووری، لە ماوەی دوو ڕۆژی داهاتووشدا ڕەوانەی وەزارەتی دارایی عێراق دەکرێت.
ناوەڕاستی مانگی هەشت وەزارەتی دارایی و ئابووریی هەرێمی کوردستان داوای لە وەزارەتەکان کرد، لیستی مووچە بە گۆڕانکاری لێبڕینی خانەنشینی 10% ئامادە بکەن و بینێرن. مووچەخۆران مووچەی مانگی حەوتیان بە لێبڕینی خانەنشینی 10% وەرگرتووە، کە مانگەکانی پێشوو بە لێبڕینی 7% بووە.
سەرچاوەیەک لە وەزارەتی دارایی رایگەیاند: “وردبینی لە لیستەکان کراوە و زۆربەی تێبینییەکانی وەزارەتی دارایی عێراق لەسەر لیستی مووچەی مانگی هەشت چارەسەرکراون، بەشێکی کەمی ماوە و لەم هەفتەیەدا بەتەواوی چارەسەر دەکرێن و ڕەوانەی وەزارەتی دارایی عێراق دەکرێت”.
وەزارەتی دارایی و ئابووری تێبینییەکانی بەغدای لە بابەتی بایۆمەتری و ناوی هاوشێوە چارەسەر کردووە، ئەوانەیشی ناویان هاوشێوەیە لە لیستەکەدا بە ناوی دایکیانەوە بۆ وەزارەتی دارایی عێراق ڕەوانە دەکرێت