ئەمڕۆ نرخی دۆلار بەرزبوونەوەی بەرچاوی بەخۆیەوە بینی و لەئێسادا ١٠٠ دۆلار بە ١٤٩ هەزار و ٥٠٠ دینار مامەڵەی پێوەدەکرێت.
ئەمڕۆ پێنجشەممە، ١٠٠ دۆلار بەرامبەرە بە ١٤٩ هەزار و ٥٠٠ دینار، لەکاتێکدا دوێنێ لەکاتی کردنەوەی بازاڕدا ١٠٠ دۆلار بەرامبەر بە ١٤٨ هەزار و ٣٥٠ دینار بوو.
بەپێی دوایین گۆڕانکارییەکانی نرخی دۆلار لەکاتی کردنەوەی بازاڕدا بەراورد بە دوێنێ هەزار و ١٥٠ دینار بەرزبووەتەوە.
لەماوەی ٤٨ کاتژمێری رابردوودا نرخی دۆلار نزیکەی دوو هەزار دینار گۆڕانکاری بەخۆیەوە بینیوە.
بەرزبوونەوەی دۆلار پەیوەستە بە رێژەی خواست و خستنەڕووی بانکی ناوەندی، لەو بارەیەشەوە شارەزایەکی دراو لە بازاڕی دراوەکانی سلێمانی بە ئێن ئاڕ تی راگەیاند، لەگەڵ بەرزبوونەوەی ئاستی خستنەڕووی دۆلار و دەستپێکردنەوەی فرۆشی دۆلاری کاش بە گەشتیاران، نرخی دۆلار دادەبەزێت.