پارێزگاری هەولێر دەڵێت، لە سەر فەرمانی سەرۆک بارزانی سەرجەم تیمەکانی بەرگری شارستانی و تیمی فڕۆکەوانی فریاگوزاریی هەولێر بەشداردەبن لە گەڕان بەدوای تەرمی ئاڤێستا یوسف.
رۆژی شەممە، 5ی نیسانی 2025، خانەوادەی سەید یوسف بۆ گەشتکردن چوونەتە سنووری قەزای مێرگەسۆر. لەو کاتەدا یەکێک لە کچ و کوڕەکانی سەید یوسف بۆ وێنەگرتن چوونەتە لێواری زێی گەورە. کوڕەکەی دەکەوێتە نێو رووبار و ئاڤێستای خوشکی هەوڵی رزگارکردنی براکەی دەدات، براکەی بە سەلامەتی دەردەچێت، بەڵام ئاڤێستای تەمەن 27 ساڵ کەوتە نێو زێی گەورە و بێسەروشوێن بوو