ئەمشەو لە بەغدا کۆبونەوەی بە ئامادەبوونی لەتیف ڕەشید سەرۆک کۆمار و فوئاد حوسێن جێگری سەرۆکوەزیران و شاخەوان عەبدوڵا جێگری سەرۆکی پەرلەمان و وەزیر و سەرۆک فراکسیۆنە کوردییەکان لە بەغدا لەسەر مووچە بەڕێوەچوو.
لە کۆنگرەیەکی ڕۆژنامەوانیدا فوئاد حوسێن وتی، کێشەی موچەی مانگی حەوت چارەسەر بووە و لەم رۆژانەدا دابەش دەکرێت.
هەروەها ئاشکرایکرد، بۆ موچەی مانگی هەشت هەوڵدەدەن بەمزوانە چارەسەر بکرێت.
لای خۆیەوە شاخەوان عەبدوڵا جێگری سەرۆکی پەرلەمان ڕایگەیاند دەبێت هەموان بۆ چارەسەرکردنی کێشەکان یەکگرتووبن و ڕێککەوتوون بۆ گووشارکردن لەسەر بەغدا بۆ چارەسەرکردنی کێشەی موچە، هەروەها حکومەتی هەرێمیش تێبینییەکان چارەسەربکات