مه‌سرور بارزانی، سه‌رۆكی حكوومه‌تی هه‌رێمی كوردستان، له ڕێوڕەسمی ڕاگەیاندنی ڕێنمایی ڕێکخستنی کاروباری پەناخوازان لە هەرێمی کوردستان، ڕایگه‌یاند: چەندین ساڵە هەرێمی كوردستان بێ هیچ جیاوازییەكی ئایینی و رەگەزی و نەتەوەیی، میوانداریی سەدان هەزار پەناخواز و پەنابەری وڵاتانی دەوروبەر و هەروەها ئاوارەكانی ناوخۆی عێراق دەكات، بە تایبەت لە سەرەتای دەست پێكردنی هێرش و پەلاماری تیرۆریستانی داعش، بە هەزاران كەس ڕوویان لە هەرێمی كوردستان كرد. ئەمە لە كاتێكدا بوو كە لەم قۆناغەدا رووبەڕووی بارودۆخێكی دژوار و قەیرانی داراییش بووینەوە، بەڵام سەرەڕای هەموو ئەم دۆخە سەختەش، حكوومەتی هەرێمی كوردستان ئەركی سەرەكیی مێوانداریكردنی دەیان كەمپی ئاوارە و پەنابەرانی لە ئەستۆ گرت و زۆربەی بارگرانییەكەش لەسەر شانی حكوومەتی هەرێمی كوردستان مایەوە.
پەیامێكی گرنگ لە مەسروور بارزانی راگەیەندرا
