ئەمڕۆ چوارشەممە (28ی ئابی 2024) ئاژانسی هەواڵی (میهر) لە زاری سەرۆکی ڕێکخراوی مانگی سووری ئێرانەوە بڵاوی کردەوە كە 303 هاووڵاتیی شیعەی ئێرانی، بە برینداری لە عێراقەوە هێنراونەتەوە بۆ دەروازە و كەمپە سنوورییەکانی ئێران.
بابەک مەحموودی سەرۆکی ڕێکخراوی فریاکەوتنی مانگی سووری ئێران ڕایگەیاند: ”53 هەزار و 659 هاووڵاتیی شیعەی ئێرانی، زیارەتکارانی چلەی ماتەمینیی ئیمام حوسەین، لە خزمەتگوزارییەكانی بەشی فریاکەوتنی مانگی سوور بەهرەمەند بوون.“
مەحموودی ئەوەی خستە ڕوو: ”303 کەس بە برینداری هاتوونەتە بنكەكانی مانگی سوور بۆ چارەسەركردن، هەروەها 40 کەسیش گیان لەدەست داوە و دەزگا پەیوەندارەكانی عێراق رادەستی هێزەکانی مانگی سووری ئێرانییان كردوون لە سەر سنوور.“
