سەرچاوەیەك لە نووسینگەی مەلا بەختیارەوە ئاشكرای دەكات كە هەوڵێكی هێزی كۆماندۆی یەكێتییان بۆ دەست بەسەرداگرتنی میوانخانەیەكی مەلا بەختیار لە خانەقین شكست پێهێناوە و ئێستاش هێزەكانی سەر بە مەلا بەختیار خراونەتە ئامادەباشییەوە.
سەرچاوەیەك لە نووسینگەی مەلا بەختیارەوە راگەیاند، بەیانیی ئەمڕۆ پێنجشەممە 5ی ئەیلوولی 2024، هێزێكی كۆماندۆی یەكێتی چوونەتەسەر میوانخانەكەی مەلا بەختیار لە خانەقین و ویستوویانە كۆنتڕۆڵی بكەن، لەم كاتەشدا هێزێكی پاسەوانی سەر بە مەلا بەختیار لەوێ بووە و نەیانهێشتووە و دواتر مەلا بەختیاریان لێ ئاگادار كردۆتەوە.
سەرچاوەكە ئەوەشی دركاند كە هەموو هێزەكانی سەر بە مەلا بەختیار خراونەتە ئامادەباشییەوە و بەشێكیان ئێستا لەبەردەم (بنكەی رۆشنبیریی چاودێر)ن كە بنكەیەكی سەر بە مەلا بەختیارە و ئامادەن بۆ هەر ئەگەرێك.