سەرۆكی لقی هەولێری یەكێتیی خانەنشینانی كوردستان رایدەگەیەنێت، چاوەڕواندەكرێت لە مانگی ئابی ئەمساڵەوە مووچەی خانەنشینانی هەرێم هاوتای عێراق بكرێت.
سەردار حسێن، سەرۆكی لقی هەولێری یەكێتیی خانەنشینانی كوردستان لە لێدوانێكیدا رایگەیاند، دوو لیژنە بۆ هاوتاكردنی مووچەی خانەنشینان پێكهێندراوە كە لیژنەیەك لە هەرێم و لیژنەكەی دیكە لە بەغداد كار بۆ یەكخستن و هاوتاكردنی مووچەی خانەنشینان دەكەن و پێشتر هەرێم و بەغداد بۆچوونی جیاوازیان هەبوو، بەڵام دواتر گەیشتنە رێككەوتن و كەمترین مووچەی خانەنشینی 500 هەزار دینار بێت.
وتیشی، ” چاوەڕواندەكرێت لە مانگی ئابی ئەمساڵەوە مووچەی خانەنشینانی هەرێم هاوتای عێراق بكرێت”.